غریب قارانقوشلار/ ایکی ایتگین شهیدین شهریمیزه گلمه یینین مناسبتینه

شعر زیر را مقصود تقی زاده هریس به مناسبت ورود شهدای گمنام به شهر هریس سروده و به سایت ارسال کرده است.

[

باهار طراوتی تاپدی خزانلی باغلاریمیز

چیچک- چیچک تزه لندی دونان بوداقلاریمیز

بو شانلی یوردا ایکی قانلی لاله گلدی قوناق

بویاندی قیرمیزی یا قیشدا قارلی داغلاریمیز

سپین سو یوللارا، عشقه آچین قوجاقلاریزی

یئتیشدی شوکتیله کربلا قوناقلاریمیز

قاییتدی قانلی سفردن غریب قارانقوشلار

بولودلار آغلادی باشلاندی آغلاماقلاریمیز

ایکی گونش، ایکی اولدوز، ایکی سحر، ایکی عشق

دیینمیر آدلارینی تیتره ییر دوداقلاریمیز

سپیلدی جبهه لر عطری اویاندی خاطیره لر

او گونلری یئنه ده تامسینیر داماقلاریمیز

بو لاله لر بیزه زهرا یاسیندا پای گلدی

قاریشدی بیر- بیرینه سینه میزده داغلاریمیز

ایکی شهید بو یئره گون کیمی ایشیق ساچاجاق

یقین کی سؤنمه یه جک هئچ زامان اوجاقلاریمیز