به گزارش شبکه اطلاع رسانی راه دانا به نقل از نیریمیز، روزبه صمدی شاعر نیری در اثر « بوینو یوغون » به وصف قلعۀ تاریخی روستای کورعباسلو نیر پرداخته است.
, شبکه اطلاع رسانی راه دانا, نیریمیز,,
بوینو یوغون
,
کیم دئییر یاشـدا جاواندیر بو قایا
ساوالان تک قوجادیر بوینو یوغون
,
گونه گوندوز ، گئجه یولداشدیر آیا
چونکی یئردن اوجادیر بوینو یوغون
.............................................
سؤکولور ذیروه سینده دان دئمیرم
داغلار ایچره اونا سولطان دئمیرم
آتامین بوز قالاسیندان دئمیرم
,
,
,
,
,
چوخلو داغدان اوجادیر بوینو یوغون
ساوالان تک قوجادیر بوینو یوغون
..........................................
یوردومون سنگریدیر ، فخری ، شانی
چؤکدوروبدور دیزه سایسیز پاشانی
دمیر عصریندن اونون وار نیشانی
,
,
,
,
,
تاریخه بیر باجادیر بوینو یوغون
ساوالان تک قوجادیر بوینو یوغون
............................................
,
,
قورخوسوندان گؤزو یاش ائیلهمهییب
دوشمنی یوردونا باش ائیلهمهییب
هله چوخ سیررینی فاش ائیلهمهییب
,
,
گئنه بیر تاپماجادیر بوینو یوغون
ساوالان تک قوجادیر بوینو یوغون
.............................................
اوستونه تولکولر ائتمیشسه آخین
شیر کیمی تولکونو ییرتمیشدی باخین
مین قدم یئردن اوجا ، عـرشه یاخین
,
,
,
,
,
بیر باجا معراجادیر بوینو یوغون
ساوالان تک قوجادیر بوینو یوغون
...............................................
تانرینین قلبینه هئچ دَیمهییب او
باشقا بیر آللاها باش اَیمهییب او
اؤزو شاهدیر شاها باش اَیمهییب او
,
,
,
,
,
طعنه تخت و تاجادیر بوینو یوغون
ساوالان تک قوجادیر بوینو یوغون
.........................................
کوراباز کندینه داشدان دام اودور
یئره گؤیدن گتیرن پیغام ، اودور
آیریلیق ماهنیسینا ایلهام اودور
,
,
,
,
,
فرهادا بیر خوجادیر بوینو یوغون
ساوالان تک قوجادیر بوینو یوغون
.............................................
قاتیغی قایماغی وار ، بول چؤره گی
ال آچیق میلّتی وار ، گئن اوره گی
چوخلو بیر ائولرین اولموش دیره گی
,
,
,
,
,
آرخا هر محتاجادیر بوینو یوغون
ساوالان تک قوجادیر بوینو یوغون
..............................................
گئنه صنعتله سؤزو دوزلهمدیم
گئنهده قافیهنی گؤزلهمدیم
هله چوخ سیررینی من اوزلهمدیم
,
,
,
,
,
باخما اوچ دؤرد هیجادیر بوینو یوغون
ساوالان تک قوجادیر بوینو یوغون
..............................................
ایسته سن کؤنلون اولا دایمی توخ
باخ «نیراوغلو» قوجامان داغلارا چوخ
قبله هر بیر حاجییا، عاشقه، یوخ
,
,
,
,
,
سن کیمین حللاجادیر بوینو یوغون
ساوالان تک قوجادیر بوینو یوغون
..............................................
نیراوغلو
,
,
,
,
انتهای پیام/م
]
ارسال دیدگاه